وصفة بتشيل الرؤوس السودة من الجذور🧞‍♂️

الرؤوس السودة هي عبار عن بثور لونها غامق بتظهر نتيجة انسداد المسام.....الماسك دة حيساعدك تشيلي الرؤوس السوداء من جذورها.

حنحتاج:

٢ معلقة كبيرة چيلاتين 

لبن سخن جداً

١ معلقة صغيرة بن

١ معلقة صغيرة كاكاو

حنقلب الچيلاتين كويس اوي باللبن السخن لغاية ما الچيلاتين يدوب

و بعدين نضيف معلقة البن و نقلب كويس و بعدين نضيف معلقة الكاكاو و نقلب كويس و لما يبقي دافي للبشرة تستحمله نحطه علي منطقة الرؤوس السوداء حوالي نص ساعة او لغاية ما ينشف و بعدين نغسل الوجه وشنا بمية ساقعة و بعد ما ننشفه نحط مية ورد عشان نقفل المسام. 

ملحوظة: لازم اللبن يبقي سخن جداً و احنا بنقلب عشان يدينا النتيجة اللي احنا عايزينها و اذا احتجنا نزود لما بنضيف البن و الكاكاو نزود عشان في الآخر عايزين القوام يبقي سائل بس ماسك نفسه شوية.

كل مكون من مكونات الوصفة دي ليه فائدة للبشرة:

الچيلاتين:

بيشيل الرؤوس السوداء و الجلد الميت و بيفتح البشرة و بيقلل من افراز الدهون 

الكاكاو:

مضاد للاكسدة و بيقلل من التجاعيد و بيرطب البشرة و يحميها من الجفاف و بيقلل من احمرار الجلد

البن:

بيقلل من حب الشباب و بيقلل الالتهاب و الاحمرار و بيقلل الهالات السوداء علشان بيوسع الاوعية الدموية اللي بتخلي الهالات السوداء تظهر تحت العين 

اللبن:

بيعالج حروق الشمس لان الدهون الموجودة في اللبن بتساعد علي معالجة الحروق دي و حمض اللاكتيك الموجود في اللبن بيرطب البشرة و يمنع تجعيدها و كمان اللبن بيوحد لون البشرة