ازاي تعملي شامبوxبلسم طبيعي ١٠٠٪؜

مشكلة الشاموبوهات الموجودة في السوق انها مع الاستخدام المستمر علي فروة الراس المواد الكميائية بتضر البصيلات و بتغير شكلها و مع التعرض للشمس كل دة بيخلي الشعر يتغير من طبيعته الصحية اللي كان عليها بعد الولادة و يفقد نضارته.

طريقة بسيطة و سهلة عشان تعملي شامبوxبلسم طبيعي و صحي لشعرك:

ربع كوب صابون الغار مطحون

نص كوب عسل نحل 

زيت چوچوبا (نص معلقة صغيرة اذا شعرك دهني و معلقة صغيرة اذا الشعر عادي)

ربع كوب مياه

نخلط المكونات دي و نصفيها و تسيبيه علي فروة الراس من ٥-١٠ دقائق....بيشيل الزيوت الزيادة من فروة الراس و بينضف الفروة  و مضاد للبكتيريا و الفطريات 

ملحوظة:
* الكمية دي تكفي مرة واحدة لو عايزة تعملي كمية كبيرة زودي الكميات و استخدمي مياه معدنية عشان حتخزينيها
*صابون الغار ينفع لكل انواع الشعر و  بيبقي شكله من بره بني و من جوة اخضر 
*عشان تقطعي صابون الغار سخني السكينة عشان تتقطعي معاكي بسهولة 

تعالي نعرف فوائد  صابون الغار السحري  دة للشعر:

١- بيشيل القشرة و بيمنع امراض جلدية زي مرض الثعلبة 
٢-بيقوي بصيلات الشعر و بيخلي الشعر لامع و ليه ملمس ناعم
٣-بياخر الشيب
٤-بيمنع تساقط الشعر و تقصفه


فوائده للبشرة:

١-صابون الغار او الصابون الحلبي بيتكون بشكل اساسي من زيت الزيتون 
٢-بيحافظ علي شباب البشرة و بيعمل نضارة و لمعان
٣- بيعالج حب الشباب و بيغذي البشرة و بيجدد الخلايا
٤-بيوحد لون البشرة و مرطب رائع للبشرة

فائدة عسل النحل:

١-مرطب طبيعي للشعر و بيساعر الشعر ينمو و يبقي كثيف و يخليه صحي
٢-بيرجع الحيوية لبصيلة الشعر 
٣-بيمنع تساقط الشعر 
٤-بينضف الفروة من البكتيريا و الفطريات فبيحل مشكلة القشرة و الحكة
٥-بترجع اللمعان و النضارة للشعر اللي تلف بسبب الشمس

فوائد زيت الچوچوبا:

زيت الچوچبا ليه اسم تاني حلو "دهب الصحراء" علشان هو زيت لونه دهبي مندهوش ريحة بيطلع من بذور نبات الچوچوبا

١-بيرطب السعر حلو جداً  و تركيبته تشبه تركيبة الزيوت الموجودة في البشرة و الشعر 
٢-يعتبر بلسم طبيعي للشعر علشان المعادن و البروتينات اللي موجودة فيه
٢-لو سعرك دهني زيت الچوچوبا بيتحكم في افراز غدد فروة الراس للزيوت الزائدة