Organic Makeup 🤩🤩🤩🤩🤩

ازاي تعملي مكياج كامل بمكونات كلها طبيعية

طبعاً المكياج اللي بنستخدمه مكوناته و المواد الحافظة اللي فيه بتأذي البشرة و بترهقها فمع الوقت بتبدأ البشرة تتعب فاحنا انهاردة حنعمل مكياج كامل كله بمواد طبيعية ١٠٠٪

١-Foundation

من الحاجات الاساسية في المكياج اللي منقدرش نستغني عنها علشان بتوحد لون البشرة 

٢ معلقة كبيرة چل صبار + اقل من ربع معلقة صغيرة زبدة شيا + كركم + كاكاو  و يتقلبوا مع بعض 

ملحوظة:

*انسب طريقة علشان تعرفي بيها لون الfoundation المناسب ليكي هو انك تحطيه علي الرقبة 

*الكركم و الكاكاو بيضافوا شوية شوية علي حسب درجة البشرة

*فائدة زبدة الشيا هنا غير طبعاً انها مرطب فظيع هي كمان بتعمل حماية من الشمس بنسبة ١٥-٢٠٪؜

٢-روج احمر + تنت

حنغلي ٢ بنجر متقطع  مع كبشة كركديه و ٢ كوب مياه و بعد ما يغلوا نصفيهم و نسبهم يبردوا و بعد كدة نضيف ذرة دم غزال احمر 

٣-الكحل

حنحط في صينية في الفرن معلقة كبيرة زيت زيتون نوزعها علي الصينية و بعد كدة نحط كبشة لوز و نحطهم في الفرن لمدة ساعة علي نار هادية و نقلب اللوز من وقت للتاني لغاية ما لونه يبقي اسود و بعدين نطلعه و نسيبه يبرد و بعدين نطحنه شكله حيبقي عامل زي البن المحوج و بعد كدة نفرده يتهوي يوم كامل في الشمس و بعدين حنجيب من عند العطار حجر اثمد بيبقي شكله فضي شوية من برك لكن هو كله اسود بنكسر الحجر و بعدين نطحنه و نخلطه مع اللوز بالزيتون اللي كنا سيبينه يتهوي في الشمس 

ملحوظة:

*استخدمنا اللوز بالزيتون مع الحجر الاثمد و مستخدمناش الحجر لوحده عشان الكحل يتفرد و يبقي طري علي العين

*في حجر اثمد مطحون جاهز عند العطار بس الاحسن تطحنيه انتي عشان تبقي متأكدة انه مش متخلط مع بارود عشان يبقي امان للعين

 ٤-Highlighter

٢ معلقة صغيرة ملون طعام (دهبي /شامبان/فضي/نحاس) و ٢ معلقة صغيرة چل صبار نقلبهم مع بعض  لغاية ما يدينا قوام الكريم و بعدين نحطه في علبة ليها غطاء عشان مينشفش 

٥-Loose Powder

اهمية بودرة الوجه انها بتمتص اي لمعة من البشرة و خصوصاً لو كانت دهنية و كمان بتثبت المكياج

بودرة تلك و ربع معلقة صغيرة كاكاو (علي حسب لو البشرة) و ذرة كركم و نقلبهم مع بعض

ملحوظة:

*الكركم عشان لو عايزة ال loose powder مايلة للون الاصفر

*لو عايزة نفس درجة لون ال Banana Powder بالظبط استخدمي دقيق الذرة لوحده ليه نفس درجة لون الBanana Powder بالظبط

٦-اسبراي مثبت للمكياج

في البخاخة بتاعتك حتحطي نصها مياه و نصها مياه ورد و حتضيفي جلسرين  (٨ نقط لو بشرتك جافة و ٤ نقط لو بشرتك دهنية )